Ang Relasyon ng Retorika sa Medisina

Ang Relasyon ng Retorika sa Medisina

Isinulat nina: Matanguihan, Jessa , Matanguihan, Gail , Pedraja, RJ , Bulaclac, Rio , Jimenez, Shaquille

Bilang isang mag-aaral, alam naman natin na itong panahon na ito ay nararapat na gugulin upang maging handa sa magiging trabaho sa hinaharap. Ang pag-aaral ng retorika ay isang hakbang upang maging isang epektibong Radiologic Technologist. Hindi lamang bilang isang RadTech kundi, pati na rin sa mga magtatrabaho na may kinalaman sa medisina.

Ano nga ba ang retorika? Ang retorika ay ang masining na pagpapahayag. Kalakip nito ang mga kinakailangan na isaalang-alang upang maipahayag ang mga bagay ng tuwid at hindi paliguy-ligoy. Bilang isang mag-aaral na RadTech, ang kaalaman sa retorika ay isang mahalagang bagay upang maipahiwatig namin sa mga pasyente ng diretso at madali nilang maiintindihanang mga eksaminasyon na gagawin sa kanila. Ang komunikasyon sa pagitan ng mga magiging pasyente at sa amin ay napaka-importante sapagkat dito nakasalalay ang buhay nila. Ang maling pagpapaintindi sa kanila ng mga eksaminasyon na gagawin ay maaaring magpahamak sa kanilang buhay. Isa lamang itong halimbawa sa mga trabaho sa medisina na kinakailangan ng kaalaman ng retorika. Gayundin ang mga doctor na silang inaasahan at madalas na pinapaniwalaan ng mga pasyente. Kaunting pagkakamali ng kanilang mga sinasabi, maaari itong makaapekto sa buhay ng pasyente.

Ang medisina ay isa sa mga aspeto na inaasahan ng bawat tao para sa mga buhay nila. Kapag may nararamdaman na hindi maganda ay agad silang kumukonsulta sa mga doctor. Ang katangian ng retorika na nararapat na madali itong maintindihan ng mga tagapakinig ay kinakailangan sa medisina. Ito ay upang mapadaling intindihin ng mga pasyente sa kabila ng mga salita ng medisina na hindi naman ordinary pakinggan sa pang araw-araw na usapan.